site
stats
پاکستان

نواز شریف، شہباز شریف کوشش کریں کہ وہ پبلک میں نہ آئیں، اعتزاز احسن

لاہور: معروف قانون دان اور پییلز پارٹی کے سینئر رہنما سینیٹر اعتزاز احسن نے کہا ہے کہ دھرنوں سے حکومت کو کوئی خطرہ نظر نہیں آتا، تاہم گو نواز گو کا نعرہ اس سے کوئی تبدیلی نظر آتی ہے۔

لاہور ہائیکورٹ بار کے باہر میڈیا سے گفتگو کرتے ہوئے اعتزاز احسن کا کہنا تھا کہ وزیرِاعظم نواز شریف، وزیرِاعلی شہباز شریف کوشش کریں کہ وہ پبلک میں نہ آئیں، یہ جہاں جاتے ہیں، وہاں گو نواز گو کا نعرہ سامنے آجاتا ہے، اعتزاز احسن نے کہا کہ نواز لیگ بگ بزنس پارٹی ہے جبکہ پیپلز پارٹی محنت کشوں کی جماعت ہے۔

نون لیگ کی پالیسیاں غریب، کسان اور مزدور کش ہیں، پیپلز پارٹی نے ہمیشہ غریب لوگوں کی بات کی اور اسی حوالے سے پالیسیاں بنائیں، سینیٹر اعتزاز احسن کا کہنا تھا کہ وہ شیخ رشید کی کسی بات کا جواب دینا پسند نہیں کرتا، وہ ہر حکومت میں وزیر رہے۔

سینیٹر اعتزاز احسن نے کہا ہے کہ عمران خان پہلے کہتے تھے کہ شیخ رشید کو چپڑاسی بھی نہیں رکھوں گا، آج وہ ان کے ساتھ اور مشیر ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top