امریکی شہر نیویارک کے برونکس ایکسپریس وے پر چھوٹے جہاز کی ہنگامی لیڈنگ کے دوران پائلٹ سمیت چار افراد زخمی ہوگئے، نیویارک فائر ڈیپارٹمنٹ کے مطابق ہنگامی لینڈنگ کے دوران جہاز کو معمولی نقصان پہنچا ہے تاہم اس حادثے کے دوران پائلٹ سمیت چار افراد زخمی ہوگئے۔
جنہیں طبی امداد کے لیے اسپتال منتقل کردیا گیا ہےجہاں اسپتال انتظامیہ ان کے زخموں کی نوعیت بتانے سے گریز کر رہی ہے، حکام کا کہنا ہے کہ ہنگامی لینڈنگ سے برونکس ایکسپریس وے کو ٹریفک کیلیےبند کردیا گیا جس سے شہریوں کو سخت مشکلات کا سامنا کرنا پڑا۔ پولیس کاکہناہےکہ ہنگامی لینڈنگ کی وجوہات تاحال معلوم نہیں ہوسکی۔
