واشنگٹن:طارق فاطمی کی نائب امریکی وزیرِ دفاع سے ملاقات -
The news is by your side.

Advertisement

واشنگٹن:طارق فاطمی کی نائب امریکی وزیرِ دفاع سے ملاقات

واشنگٹن : وزیرِاعظم کے خصوصی مشیر طارق فاطمی نے واشنگٹن میں نائب امریکی وزیر دفاع باب ورک سے ملاقات میں شمالی وزیرستان آپریشن میں آئندہ ہدف شوال کے حوالے سے بریفنگ دی۔

سفارتی ذرائع کے مطابق طارق فاطمی نے امریکی نائب وزیر دفاع کو شوال میں دہشت گردوں کیخلاف مشکل ترین آپریشن کے چیلنجز سے آگاہ کیا، طارق فاطمی نے اس کاروائی کیلئے پاک فوج کو جدید جنگی سازو سامان کی ضروریات پر بھی تفصیلی بریفنگ دیتے ہوئے کہا کہ شوال کے دشوار گزار راستے دہشت گردوں کو محفوظ پناہ گاہیں فراہم کر رہے ہیں اور اس اہم آپریشن میں پاک فوج کو مزید جدید جنگی سازو سامان درکار ہے۔

ملاقات میں کولیشن سپورٹ فنڈ کے حوالے سے بھی بات چیت کی گئی جبکہ افغان مصالحتی عمل پر پاکستان کی کوششوں پر تبادلہ خیال کیا گیا۔

ملاقات میں طارق فاطمی کے مطابق افغان طالبان اور حکومت کے درمیان مصالحتی عمل کا دوسرا مرحلہ آئندہ ہفتے شروع ہورہا ہے ۔

Comments

comments

یہ بھی پڑھیں