ورلڈکپ: آئرلینڈ ویسٹ انڈیزکے305 رنز کے تعاقب میں -
The news is by your side.

Advertisement

ورلڈکپ: آئرلینڈ ویسٹ انڈیزکے305 رنز کے تعاقب میں

نیلسن :کرکٹ ورلڈ کپ میں ویسٹ انڈیز کی جانب سے تین سو پانچ رنز کے تعاقب میں آئرلینڈ کی پُراعتماد بیٹنگ جاری ہے۔

ائیرلینڈ نے ویسٹ انڈیز کیخلاف ٹاس جیت کے پہلے فیلڈنگ کرنے کا فیصلہ کیا،آئرش بولروں نے ابتدائی اوورز میں ہی ویسٹ انڈین کھلاڑیوں کو قابوں میں کرنے کی کوششیں کی اور صرف اٹہتر رنز پر ویسٹ انڈیز کے پانچ کھلاڑیوں کو پویلین کی راہ دکھائی۔

اسمتھ اٹھارہ ، کرس گیل چھتیس، بریوو صفرسیموئیل نے اکیس اور رامدین ایک رن بنا کر آؤٹ ہوئے۔

پانچ کھلاڑی آؤٹ ہوئے تو ویسٹ انڈین ٹیم شدید دباؤ کا شکار ہوگئی، اس موقع پر سیمنز اور سیمی نے ذمہ دارانہ بیٹنگ کا مظاہرہ کیا، دو سو اکتالیس رنز کے مجموعی اسکور پر سیمی نواسی رنز بنا کر آؤٹ ہوگئے۔

سیمی کے بعد سیمنز اور اینڈرے رسل نے ویسٹ انڈیز کی ٹیم کو ایک اچھے اسکور سے سہارا دیتے ہو ئے زبردست چوکے اور چھکے لگائے۔

ویسٹ انڈیز نے مقررہ پچاس اوورز میں ائیرلینڈ کو جیت کیلئے تین سو پانچ رنز کا ہدف دیا ہے،

لینڈل سمنز 102 رنز بنا کر ویسٹ انڈیز کی جانب سے نمایاں بلے باز رہے جبکہ آئرلینڈ کے جارج ڈوکریل نے ویسٹ انڈیز کے 3کھلاڑیوں کا شکار کیا۔

جواب میں ائیرلینڈ کی جانب سے پڑاعتماد بیٹنگ کا آغاز کیا گیا۔

Comments

comments

یہ بھی پڑھیں