کینبرا: ورلڈ کپ دوہزارپندرہ کے ساتویں میچ میں بنگلہ دیش اور افغانستان کی ٹیمیں مدِمقابل ہیں۔
بنگلہ دیش اور افغانستان کے درمیان میچ کینبرا میں کھیلا جارہا ہے، بنگلا دیش نے ٹاس جیت کر افغانستان کے خلاف بیٹنگ کا فیصلہ کیا۔
بنگلہ دیش کی جانب سے انعام الحق اور تمیم اقبال نے اننگز کا آغاز کیا، بنگلہ دیش نے اب سے کچھ دیر قبل 14 اوورز میں بغیر کسی نقصان کے 50 رنز بنا لیے تھے۔
افغانستان کی ٹیم پہلی بار ورلڈ کپ میں شرکت کررہی ہے جبکہ بنگلہ دیش کا یہ پانچواں ورلڈ کپ ہے۔ افغانی ٹیم کو بیٹنگ مشکلات درپیش ہیں، ایسے میں وہ کپتان محمد نبی پر انحصار کریں گے۔
دوسری جانب افغانستان دوہزار چودہ کے ایشیاء کپ میں بنگلہ دیش کو شکست دے چکا ہے اور اس بار بھی افغانستان کے کھلاڑی عالمی کپ میں کچھ کردکھانے کے لئے پُرعزم ہیں۔
بنگلہ دیش کو افغانستان اور اسکاٹ لینڈ کے علاوہ ایک بڑی ٹیم کو ہرانا ضروری ہوگا، دوہزار سات کے عالمی کپ میں بنگلہ دیش نے سپر سکسز کے لئے کوالیفائی کیا تھا۔
