برازیل : فٹبال ورلڈ کپ میں مایوس کن کارکردگی کے بعد برازیلین ٹیم کے ہیڈ کوچ لوئز فلپ اسکولاری مستعفی ہوگئے۔
فٹبال ورلڈ کپ ختم ہوگیا، ساتھ ہی برازیل کے ہیڈ کوچ لوئز فلپ بھی عہدے سے فارغ ہوگئے،میگا ایونٹ کے سیمی فائنل میں جرمنی کے ہاتھوں سات ایک سے بدترین شکست پر برازیلین کوچ شدید تنقید کی زد میں تھے، جس کے بعد رہی سہی کسر تیسری پوزیشن کے میچ نے پوری کردی۔
جرمنی سے شکست اور ورلڈ کپ میں برازیل کی سب سے خراب کارکردگی رہی، تیسری پوزیشن کے میچ میں نیدرلینڈز سے تین صفر سے ناکامی پر برازیلین کوچ پر استعفے کے لئے دباؤ بڑھ گیا تھا، اختتامی راؤنڈ میں ٹیم کی پے در پے ناکامیوں نے برازیلین کوچ کو مستعفی ہونے پر مجبور کردیا۔
غیر ملکی میڈیا کے مطابق برازیلین کوچ نے فیڈریشن کو استعفے کی پیشکش کی تھی، جسے منظور کرلیا گیا ہے۔
