کراچی : وزیرِاعظم نواز شریف کا کراچی کا دورہ ملتوی کردیا گیا، امکان ہے کہ اب وہ بدھ کو کراچی آئیں گے۔
وزیراعظم کے اس ایک روزہ دورے کا مقصد کراچی میں شدید گرمی سے جاں بحق بارہ سو سے زیادہ افراد کے سوگوار خاندانوں کے ساتھ اظہار یکجہتی کرنا ہے۔ وہ اپنے دورے کے دوران اعلی سطح کے اجلاس کی صدارت کریں گے۔
جس میں امن وامان کی سورتحال کا جائزہ لیا جائے گا جبکہ وزیرِاعظم کو شہر میں گرمی کی شدت کے باعث ہونے والی ہلاکتوں اور امن و امان کے حوالے سے بریفنگ دی جائے گی۔
وزیرِاعظم وزیراعلی سندھ سید قائم علی شاہ سے بھی ملاقات کریں گے۔
