اسلام آباد: وزیرِاعظم نواز شریف سے آرمی چیف جنرل راحیل شریف نے ملاقات کی، ملاقات میں سیکیورٹی صورتحال سمیت اہم امور پر تبادلہ خیال کیا گیا۔
وزیرِاعظم نواز شریف اور آرمی چیف جنرل راحیل شریف کے درمیان وزیرِاعظم ہاؤس میں ملاقات ہوئی، ملاقات میں ملک کی سلامتی اور امن و مان سمیت اہم امور زیر غورآئے۔
ترجمان وزیراعظم ہاﺅس کے مطابق سیاسی وعسکری قیادت کی اہم ملاقات میں آئی ڈی پیز کی گھروں کو واپسی، سیکیورٹی صورتحال، نیشنل ایکشن پلان اور ضربِ عضب میں ہونیوالی پیشرفت کا جائزہ لیا گیا۔
- Advertisement -
ملاقات میں پاک فوج کی پیشہ ورانہ صلاحیتوں پر بھی تبادلہ خیال کیا گیا۔
وزیرِاعظم نوازشریف نے پاک فوج کی قربانیوں اورکاوشوں کو سراہا، آرمی چیف نے وزیرِاعظم کو اپنے دورہ دبئی سے متعلق بریفنگ بھی دی۔
