site
stats
اہم ترین

وزیرِاعظم نوازشریف کا آزاد کشمیر کےسیلاب متاثرہ علاقوں کا دورہ

آزاد کشمیر :وزیرِاعظم  نواز شریف سیلابی صورتحال کا جائزہ لینے کیلئے آزاد کشمیر پہنچ گئے، وزیرِاعظم آزاد کشمیر اور اپوزیشن لیڈر بھی نوازشریف کے ہمراہ موجود ہیں۔

متاثرین سیلاب کا دکھ بانٹنے اور صورتحال کا جائزہ لینے وزیرِاعظم نواز شریف آزاد کشمیر پہنچ گئے ہیں، آزاد کشمیر کے صدر سردار یعقوب، وزیراعظم چوہدری عبدالمجید اور اپوزیشن لیڈر راجہ فاروق حیدر بھی وزیرِاعظم پاکستان نواز شریف کے ہمراہ ہیں۔

وزیرِاعظم نے راولا کوٹ سمیت دیگر متاثرہ علاقوں کا دورہ کیا، وزیرِاعظم کو بارشوں اور لینڈ سلائیڈنگ سے ہونیوالے نقصانات سے آگاہ کیا گیا اور بتایا گیا کہ شدید بارشوں سے بنیادی ڈھانچے اور گھروں کو شدید نقصان پہنچا ہے ۔

بریفنگ میں وزیرِاعظم کو بتایا گیا کہ دریائے جہلم ، نیلم اور پونچھ میں اونچے درجے کا سیلاب ہے جبکہ شدید بارشوں اور سیلاب میں لینڈ سلائیڈنگ سے رابطہ پل اور سڑکیں شدید متاثر ہوئی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top