اسلام آباد: وزیرِاعظم نے ٹیکسٹائل انڈسٹری کو بجلی اور گیس کی بندش کا نوٹس لے لیا ہے۔
ذرائع کے مطابق وزیرِاعظم نواز شریف نے وزارتِ پانی و بجلی کو ہدایت کی کہ قادر پور گیس فیلڈ اگر بند ہے تو پھر ٹیکسٹائل انڈسٹری کو بجلی فراہم کی جائے۔
وزیراعظم کی ہدایت کے فورا بعد پاور ڈسٹری بیوشن کمپنیوں نے دو دن سولہ گھنٹے ٹیکسٹائل انڈسٹری کو بجلی فراہم کردی ہے، وزیرِاعظم نواز شریف نے وزارتِ پانی و بجلی کو بھی ہدایت کی ہے کہ عید کی تعطیلات کے بعد ٹیکسٹائل انڈسٹری کے لئے کم سے کم لوڈشیڈنگ کی جائے۔
