اسلام آباد: وزیرِاعظم نواز شریف نے آپریشن ضرب عضب کا ایک سال مکمل ہونے پر قوم کومبارکباد دی ہے، انکا کہنا تھا کہ آپریشن حکومت کےدہشتگردی کو جڑ سے اکھاڑ پھینکنےکےعزم کاعکاس ہے۔
وزیراعظم نوازشریف کا کہنا ہے کہ قوم فوجی جوانوں کی عظیم قربانیوں کو ہمیشہ یاد رکھےگی، پُرخطر محاذ پر لڑنے والے اپنے آج کوقوم کے مستقبل پر قربان کررہےہیں، وہ بیٹوں ،بھائیوں اورشوہروں کی قربانیاں دینے والوں کے شکرگزار ہیں۔
وزیرِاعظم کا کہنا ہے کہ قربانیوں کی وجہ سے دہشت گردی کا قلع قمع ہورہا ہے اور پاکستان ترقی کی منازل طے کررہا ہے، پوری قوم مادر وطن کے تحفظ کے لیے لڑنے والوں سے اظہار یکجہتی کرتی ہے۔
