site
stats
اہم ترین

وزیر اعظم کا دورہ چین مکمل، اربوں ڈالرز کے 19معاہدوں پر دستخط

اسلام آباد: وزیراعظم نواز شریف کا چین کا دورہ پاکستان کی ترقی میں اہم سنگ میل ثابت ہوا ہے۔ دورے کے دوران پاکستان اورچین کے درمیان انیس معاہدوں پردستخط ہوئے ہیں۔ وزیر اعظم نوازشریف کہتے ہیں دھرنوں کی وجہ سے رکے ہوئےکامون کو ان معاہدوں سے نئی روح ملےگی۔

پاک چین کے درمیان توانائی اورآپٹک فائبر سمیت انیس معاہدوں پردستخط ہوگئے۔ وزیر اعظم نواز شریف چین کے تین روزہ دورے کے دوران چینی صدر اور اپنے ہم منصب لی کی چیانگ سے ملاقات کی۔

معاہدوں سے متعلق میاں نواز شریف نے کہا کہ چین کے تعاون سے توانائی کے مسئلے کوحل کرنے میں مدد ملے گی۔ توانائی کا مسئلہ حل ہونے سے ترقی اورخوشحالی آئے گی۔ انہوں نے کہا دھرنوں کی وجہ سے جوکام ادھورا رہ گیا چین سے معاہدوں سے اُسے نئی روح ملے گی۔ وزیر اعظم کا کہنا تھا اقتصادی راہدری منصوبے سے خطے کی تقدیربدل جائے گی، روزگار کے مواقع پیدا ہوں گے۔
پاکستان اورچین کے درمیان معاہدوں اورمفاہمت کی یادداشتوں میں جھمپیر میں ہواسے سومیگاواٹ بجلی پیدا کرنے، ساہیوال اورتھر میں کوئلے سے بجلی پیدا کرنے سمیت دیگرمنصوبے شامل ہیں۔ چینی صدر نے وزیراعظم کے دورےکو خوش آئند قراردیا ہے۔

اس قبل جب وزیر اعظم نواز شریف چین کے دورے پر پہنچے تو بیجنگ ایئرپورٹ پرپیپلزلبریشن آرمی نے ان کو سلامی دی۔ پاکستان اور چین کی دوستی مثالی ہے اور اس ہی حوالے سے چین پاکستان کی ترقی میں مدد دیتا رہا ہے۔ پاکستانی وزیر اعظم کے دورہ چین کے دوران دونوں ممالک کے درمیان کئی معاہدوں ، مفاہمت کی یادداشتوں پر دستخط کیے گئے۔

پاکستانی وزیر اعظم نواز شریف چین کے دو روزہ سرکاری دورے کے بعد واپس وطن روانہ ہوئے تو ہوائی اڈے پروزیراعظم کوپیپلزلبریشن آرمی کےدستے نےسلامی دیکر رخصت کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top