لاہور: پاکستان اور زمبابوے کے درمیان سیریز کا دوسرا ون ڈے اب سے کچھ دیر بعد قذافی اسٹیڈیم میں شروع ہونے والا ہے، گراؤنڈ شائقین سے کچھا کھچ بھر گیا۔
ڈیڑھ سال بعد سیریز میں کامیابی صرف ایک فتح کی دوری پر ہے، کھلاڑی جیت کے لمحے کو یادگار بنانے کے لئے بے تاب ہیں، ہوم گراؤنڈ پر ٹی ٹوئنٹی سیریز جیت لی پر ون ڈے میں مہر لگانا ابھی باقی ہے۔
قذافی اسٹیڈیم میں آج پھر میدان سجے گا جس کیلئے تیاریاں مکمل ہیں اور شائقین بھی تیار ہیں، سیکورٹی کے انتظامات بھی سخت کئے گئے ہیں۔
دوسری جانب زمبابوے کی ٹیم سیریز برابر کرنے کے لئے سردھڑ کی بازی لگائے گی، کپتان ایلٹن چگمبرا اور بیٹسمین کریگ اررون کے باہر ہونے سے مہمان ٹیم کی مشکلات بڑھ گئی ہیں۔
چیمپئینز ٹرافی تک رسائی کی امیدوں کو برقرار رکھنے کے لئے کلین سوئپ ضروری ہے۔
پاکستان اور زمبابوے کے زمبابوے کے درمیان میچ شام چار بجے شروع ہوگا۔
