ویہاڑی:ڈی ایچ کیو اسپتال میں ڈاکٹرزکی لاپرواہی،7نومولود جاں بحق -
The news is by your side.

Advertisement

ویہاڑی:ڈی ایچ کیو اسپتال میں ڈاکٹرزکی لاپرواہی،7نومولود جاں بحق

وہاڑی:  سرکاری اسپتال میں ڈاکٹروں اور نرس کی لاپرواہی نے سات شیر خوار بچوں کی جان لے لی، اے آر وائی نیوز پر خبر نشر ہوتے ہی انتظامیہ جاگ اٹھی۔

ڈاکٹروں کی غفلت کئی ماؤں کی گودیں اُجاڑ گئی، ننھی جانیں آکسیجن کے لئے تڑپتی رہیں، ڈاکٹرز اور پیرامیڈیکل اسٹاف خوابِ خرگوش کے مزے لیتا رہا۔

ویہاڑی کے ڈی ایچ کیو اسپتال کے چلڈرن وارڈ میں انکیوبیٹرمیں سات نومولود بچوں کو جب آکسیجن ملنا بند ہوئی تو ڈاکٹرز سے رابطہ کیا گیا لیکن ڈاکٹرز دروازے بند کرکے سوتے رہے اور ڈیوٹی پر موجود نرس کی بھی نیند نہ ٹوٹی۔

والدین دروازے کھٹکھاتے رہے لیکن بدقسمت والدین کی صدا سُننے والا کوئی نہ تھا، اے آروائی نیوز پر خبر نشر ہوئی تو انتظامیہ حرکت میں آئی۔

ای ڈی اوہیلتھ کے مطابق بچوں کی اموات طبعی ہیں، وزیرِاعلیٰ پنجاب شہبازشریف نے بھی اے آروائی نیوز کی خبر پر نوٹس لیتے ہوئے چار رکنی ٹیم تحقیقات کے لئے روانہ کردی ہے، بچوں کے والدین نے میتوں کے ہمراہ اسپتال میں شدید احتجاج کیا۔

Comments

comments

یہ بھی پڑھیں