The news is by your side.

Advertisement

ایم کیو ایم پاکستان نے وفاقی کابینہ میں جانے کا اعلان کردیا

کراچی : ایم کیوایم پاکستان نے وفاقی کابینہ میں جانے کا اعلان کردیا، خالد مقبول صدیقی کا کہنا ہے کہ ہماری طرف سے امین الحق اور فیصل سبزواری وزارتوں میں ہوں گے۔

تفصیلات کے مطابق ایم کیو ایم پاکستان کے کنوینئر خالد مقبول صدیقی نے کہا ہے کہ کل اسد عمر کراچی آئے تھے ان کے ساتھ بھی میٹنگ تھی۔

کراچی میں میڈیا سے گفتگو کرتے ہوئے رہبنما متحدہ قومی موومنٹ کا کہنا تھا کہ پاکستان تحریک انصاف اور ہمارے درمیان کئی چیزوں کا طے ہونا باقی تھا، یہ طے ہوا کہ تمام معاملات کو حتمی شکل دے دی جائے۔

تمام مطالبات میں اتنی پیش رفت ہوگئی کہ ہمیں اطمینان ہے، ہم بہتر سمجھتے ہیں اب کابینہ میں واپس جانا چاہئے، فیصلہ کیا ہے کہ ہم اب کابینہ کا حصہ ہوں گے۔

جب دفاتر کھلیں گے، کارکنان واپس آئیں گے تو ہم کابینہ میں ہوں گے، ہماری طرف سے امین الحق اور فیصل سبزواری وزارتوں میں ہوں گے، ایم کیوایم اور پی ٹی آئی اتحاد یاد رکھا جائے گا۔

fb-share-icon0
Tweet 20

Comments

comments

یہ بھی پڑھیں