کراچی: پاکستان نے جذبہ خیرسگالی کے تحت بھارت کے ایک سوبہترماہی گیررہاکردیئے،عبدالستار ایدھی نےبھارت سے بھی ماہی گیررہاکرنےکامطالبہ کردیا۔
پاک بھارت میچ میں پاکستان نے جذبہ خیرسگالی کا مظاہرہ کرتے ہوئے ایک سوبہتربھارتی ماہی گیروں کورہاکردیا۔
لانڈھی جیل سے رہاکئے جانے والے ماہی گیروں کوٹرین کے ذریعے کراچی سے لاہوربھیجاگیا ہے جہاں اُنہیں واہگلہ بارڈر پر بی ایس ایف حکام کے حوالے کیا جائیگا۔
- Advertisement -
بھارتی ماہی گیروں کی سیکیورٹی کے پیش نظراُن کے لئے دومخصوص بوگیاں بک کی گئی ہیں۔
معروف سماجی کارکن بلقیس ایدھی کے مطابق بھارتی ماہی گیروں کو لاہور پہنچانے کے تمام اخراجات ایدھی فاونڈیشن نے برداشت کئےجبکہ ماہی گیروں کوایدھی فاونڈیشن نے تحائف اورنقدرقم بھی دی ۔
عبدالستارایدھی نے بھارتی حکومت سے اپیل کی ہےکہ وہ بھی بھارتی جیلوں میں قیدپاکستانی ماہی گیروں کورہاکرے۔
