site
stats
پاکستان

پرویز راٹھور کو توہین عدالت کا ایک اورنوٹس،7دن میں جواب طلب

اسلام آباد: ہائیکورٹ نے پیمرا کے قائم مقام چیئرمین کو توہین عدالت کا ایک اور نوٹس جاری کرتے ہوئے سات دن میں جواب طلب کرلیا ہے۔

اسلام آباد ہائیکورٹ میں پیمرا کے قائم مقام چیئرمین پرویز راٹھور سے متعلق کیس کی سماعت جسٹس نورالحق قریشی نے کی، فریحہ افتخار اور اسرار عباسی کے وکیل ملک طاہر محمود نے مؤقف اپنایا کہ پرویز راٹھور نے عدالتی حکم کی توہین کی، وہ عدالت کے کام سے روکنے کے باوجود بحیثیت چیئرمین کام کر رہے ہیں۔

دلائل سننے پر جسٹس نور الحق قریشی نے کہا کہ عدالتی حکم کی مسلسل خلاف ورزی کی جا رہی ہے۔

جس کے بعد عدالت نے پیمرا کے قائم مقام چیئرمین پرویز راٹھور کو توہین عدالت کا نوٹس جاری کرتے ہوئے سات دن میں جواب داخل کرنے کا حکم دیا اور ساتھ ہی عدالت نے تنبیہ بھی کی کہ جواب نہ دیا تو خود پیش ہونا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top