لندن : متحد ہ قومی موومنٹ کے قائد الطاف حسین نے پشاور میں شدید بارش کے باعث متعدد افراد کے جاں بحق اور زخمی ہونے پر دکھ اور افسوس کا اظہار کیا ہے ۔
الطاف حسین نے کہا کہ حکومت کی جانب سے قدرتی آفات سے نمٹنے کیلئے موثر انتظام نا ہونے کے سبب قیمتی انسانی جانوں کا ضیا ع قابل افسوس ہے۔ عوام ملک میں مقامی حکومتوں کا نظام نہ ہونے کے سبب پریشانی کاشکا رہیں۔
انہوں نے خیبر پختونخوا حکومت سے مطالبہ کیا کہ وہ زخمی ہونے والوں کو بہترین طبی سہولیات فراہم کرے۔ الطاف حسین نے دعا کی کہ اللہ تعالیٰ بارشوں کے نتیجے میں جاں بحق ہونے والوں کے درجات بلند اور زخمیوں کو جلد و مکمل صحتیابی عطا فرمائے۔
