پشاور: پشاور ڈوبنے کے بعد تحریکِ انصاف کی حکومت نےغلطیوں کا اعتراف کرلیا، آئندہ بہتر منصوبہ بندی کا وعدہ کرلیا۔
پشاور کے بڈھنی نالے نے نصف شہر کو ڈبا دیا، صوبائی وزیرِاطلاعات مشتاق غنی متاثرہ علاقوں میں پہنچے تو حالت زار اپنی آنکھوں سے دیکھی تو نااہلی کا اعتراف کرنا ہی پڑا۔
مشتاق غنی اداروں کے انتظامات سے نالاں نظرآئے اور کہا کہ وزیراعلٰی سے شکایت کریں گے۔
تحریک انصاف کی رہنما عائشہ گلالئی نے بھی اعتراف کیا کہ صوبائی حکومت پہلے سے تیار نہیں تھی، خیبرپختونخوا میں تحریک انصاف کی حکومت دو سال سے قائم ہے، دو سال بعد بھی حکومت کو نوٹس لینے کا ہی خیال آیا۔
