راولپنڈی: سرگودھا کی ڈسٹرکٹ اورراولپنڈی کی اڈیالہ جیل میں قتل کے تین مجرموں کو تختہ دارپرلٹکا دیا گیاجبکہ جہلم کے ڈسٹرکٹ جیل میں دو مجرموں کی پھانسی مؤخرکردی گئی۔
سرگودھا کی ڈسٹرکٹ جیل میں طارق نامی مجرم کو تختۂ دارپرلٹکایا گیا۔ مجرم نےسن 2000 میں تلخ کلامی پرایک شخص کو قتل کیا تھا۔
آج علیٰ الصباح راولپنڈی کےاڈیالہ جیل میں بھی سزائے موت کے دو قیدیوں کو پھانسی کی سزا دیدی گئی۔ مجرم جہانداد خان نے2002 میں ایک شخص کو قتل کیاتھا جبکہ ارشد نامی شخص نے بھی 2001 میں ایک شخص کو قتل کیا تھا۔
دوسری جانب جہلم کے ڈسٹرکٹ جیل میں دو مجرموں کی پھانسی مؤخرکردیا گیا۔
رمضان المبارک میں پھانسی کی سزا پر بند ش کے بعدملک بھرکی جیلوں میں پھانسیوں کا سلسلہ جاری ہے اورآج کی پھانسیوں سمیت کل 12 افراد کو سزائے موت دی جاچکی ہے۔
