site
stats
پاکستان

پولیس انتظامیہ نے اسلام آباد کے27میں مزید6 اسکول خالی کردیئے

اسلام آباد: پولیس انتظامیہ نے وفاقی دارلحکومت کے ستائیس میں سےمزیدچھ اسکولوں کو خالی کردیا ہے۔

تحریکِ انصاف کے آزادی مارچ اور پاکستان عوامی تحریک کا انقلاب مارچ ایک ماہ سے بھی زیادہ عرصہ گزر جانے کے باوجود جاری ہیں، آزادی اور انقلاب مارچ کی سیکورٹی کیلئے اسلام آباد میں پنجاب کے مختلف شہروں ، سندھ اور آزاد کشمیر سے بڑی تعداد میں پولیس اہلکاروں کو طلب کیا گیا تھا۔

دوسرے شہروں سے آنے والے پولیس اہلکاروں نے اسلام آباد کے ستائیس اسکولوں میں رہائش اختیار کی ہوئی تھی، گرمیوں کی چھٹیوں کے بعد پندرہ اگست کو اسکول کھلنا تھے لیکن اب تک نہ کھلنے سے بچوں کی تعلیم کا نقصان ہو رہا ہے۔

اسکول کھولنے کیلئے طلباء کی جانب سے احتجاج کا سلسلہ جاری تھا جبکہ اسکولز پرنسپلز کمیٹی کی دھمکی کے بعد پولیس انتظامیہ نے گزشتہ روز دو اور آج چھ اسکول خالی کردیئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top