site
stats
پاکستان

پولیس تبادلوں، رینجرز ناراضی کا مسئلہ بظاہر سازش ہے،الطاف حسین

ایم کیو ایم کے قائد الطاف حسین نے پولیس افسران کے تبادلوں، حکومت سندھ اور رینجرز کے درمیان پائے جانے والے تحفظات پر تشویش کا اظہار کر دیا۔

  الطاف حسین کا کہنا ہے کہ  ایسا لگتا ہے چوہدری اسلم کے قتل سے عوام کی توجہ ہٹانے کی غرض سے سندھ میں پولیس کی تبادلوں اور رینجرز کے اعلیٰ افسران کی ناراضی کا مسئلہ چھیڑا گیا ہے۔

الطاف حسین کا کہنا تھا کہ اس مسئلے کی وجہ سے چوہدری اسلم اور انکے ساتھیوں کے قتل کی تحقیقات پسِ پردہ چلی گئی ہیں، عوام کا ذہن چوہدری اسلم کی شہادت سے ہٹا کر دوسری طرف لگانے کی سازش کی گئی ہے۔

الطاف حسین نے کہا کہ ہونا تو یہ چاہیے تھا کہ حکومت سندھ اور رینجرز مل کر تحقیقات کرتے تاکہ چوہدری اسلم کے قتل کی اصل وجوہات سامنے آتی، اور اس کے پیچھے کار فرما ہاتھ پکڑ میں آتے۔

الطاف حسین کا کہنا تھا کہ چوہدری اسلم کی شہادت کے پیچھے دہشت گردوں سمیت اگر اندرونی ہاتھ بھی کارفرما تھے تو انکو بھی بے نقاب کیا جاتا، الطاف حسین نے وزیراعظم اور آرمی چیف سے اس معاملے کا نوٹس لینے کی اپیل کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top