رحیم یارخان: مغوی اہلکاروں کی بازیابی کے لئے کچے کے علاقے میں مقامی سرداروں کا گرینڈ جرگہ منعقد کیا گیا اورمذاکرات کے بعد سات پولیس اہلکاروں کو بازیاب کروالیا گیا
سابق ایس ایچ او تھانہ ماچھکہ نے ڈاکووں کے ساتھ مذاکرات میں اہم کردارادا کیا، گھوٹکی اوررحیم یارخان کے کچے کے علاقوں کے سرداروں اور پولیس کے مابین جرگہ رات گئے تک جاری رہا، جس کے بعد مقامی سردار کے مطابق مغوی پولیس اہلکار رحیم یارخان پولیس کے حوالے کر دیئے گئے ہیں۔
ڈاکوؤں کا پولیس چوکی پرحملہ، 7اہلکار اغوا
مقامی سردارکے مطابق اغوا کاربگا کوش، ملاواشر اور سلطو شرتھے۔
پولیس اہلکاروں کی بازیابی کے ہمراہ کسی بھی ڈاکو کی ہلاکت یا گرفتاری کا اعلان نہیں کیا گیا۔