The news is by your side.

Advertisement

کراچی میں فائرنگ، ایس ایس پی اعجازحیدرشہید

کراچی: شہر کے علاقے گلستانِ جوہرمیں فائرنگ سے پولیس کے سنیئرافسرشہید ہوگئے جبکہ ساتھ موجود خاتون زخمی ہوئی ہیں۔

تفصیلات کے مطابق جمعہ کے روز گلستانِ جوہرکے علاقے پہلوان گوٹھ میں پولیس کے سینئر سپرنٹنڈنٹ اعجاز حیدر کو گولیوں کا نشانہ بنا کر شہید کردیا گیا۔

اعجازحیدر جیل سپرنٹنڈنٹ حیدرآباد اور ایس ایس پی کے فرائض انجام دے رہے تھے، تین دن پہلے ہی انہیں آئی جی آفس کراچی ٹرانسفر کیا گیا تھا اور اسی سلسلے میں وہ کراچی میں موجود تھے۔

ذرائع کے مطابق وہ پہلوان گوٹھ کے علاقے میں کسی نجی کام سے گئے تھے جہاں موٹرسائیکل پر سوار نامعلوم افراس نے سڑک پران کی گاڑی کا راستہ روکا اورنشانہ تاک کرفائرنگ کردی جس کے نتیجے میں ایس ایس پی اعجازحیدر جائے وقوعہ پرہی زخموں کی تاب نا لاتے ہوئے خالقِ حقیقی سے جاملے۔

ایس ایس پی اعجا زحیدر کے سرمیں دوگولیاں لگیں جن سے ان کی موت واقع ہوگئی۔

سانحے کے وقت ان کے ساتھ گاڑی میں تین خواتین بھی موجود تھیں جن میں سے اکساء نامی خاتون بھی زخمی ہوئی ہیں، اسپتال ذرائع کے مطابق خاتون کی کمرمیں گولی لگی ہے۔

ایس ایس پی اعجاز حیدر کی میت کو گلستانِ جوہر میں واقع دار الصحت اسپتان منتقل کیا گیا جہاں پولیس کے سینئر افسران کی بڑی تعداد پہنچ چکی ہے۔

پولیس ذرائع کے مطابق جائے وقوعہ سے نائن ایم ایم پسٹل کے 9 خول ملے ہیں۔

Comments

comments

یہ بھی پڑھیں