کراچی : پاکستان فیڈرل یونین آف جرنلسٹ نے اے آر وائی کےخلاف ممکنہ کارروائی کی صورت میں ملک بھر میں احتجاجی تحریک چلانےکا اعلان کیا ہے۔
پی ایف یو جے کے صدر رانا عظیم نے اے آر وائی کے خلاف ممکنہ کارروائی کی صورت میں ملک بھر میں احتجاجی تحریک کے حوالے سے بتایا کہ 23 فروری کو پنجاب اسمبلی کے باہر دھرنا اور احتجاجی کیمپ لگایاجائیگا۔
2فروری کو پاکستان کی چاروں اسمبلیوں کےباہر احتجاج ہوگا,28 فروری کو پیمرا کے دفتر کے باہر صحافی بڑا احتجاجی مظاہرہ کریں گے۔
رانا عظیم پی ایف یو جے کے رہنما افضل بٹ کا اس حوالے سے کہنا تھا کہ ایسی اطلاعات آرہی تھیں کہ اے آر وائی کو بند کیا جارہا ہے۔
اُنہوں نے اے آر وائی نیوز سے گفتگو کرتے ہوئے کہا کہ ایس کسی بھی کوشش کے خلاف سخت مزاحمت کی جائیگی، حکومت یا کسی ادارے نے اے آر وائی سمیت کسی بھی چینل کو بند کرنے کی کوشش کی تو ملک بھر میں احتجاجی تحریک چلائیں گے۔
دوسری جانب تحریک انصاف کے چیئرمین عمران خان نے اے آروائی نیوزسے بات کرتے ہوئے تمام صحافیوں کوپیغام دیاکہ اے آروائی نیوزاورمبشرلقمان کے ساتھ جوہواوہ باقی صحافیوں کے ساتھ بھی ہوسکتاہے۔
