The news is by your side.

Advertisement

پاکستان اور بھارت رواں سال دسمبر میں مدِمقابل ہوں گے

نئی دہلی: بھارتی کرکٹ بورڈ نے رواں سال کے آخر میں پاکستان سے سیریز کھیلنے پر مشروط آمادگی کا اظہار کردیا۔

دنیائے کرکٹ کے دو بڑے حریف پاکستان اور بھارت رواں سال دسمبر میں یو اے ای میں مدمقابل ہوں گے۔ دونوں بورڈز کے درمیان سیریز کے لئے اتفاق ہوگیا۔۔ سیریز تین ٹیسٹ، پانچ ون ڈے اور دو ٹی ٹوئنٹی میچ پر مشتمل ہوگی۔

پاکستان کرکٹ بورڈ کے چئیرمین شہریار خان نے کولکتہ میں بی سی سی آئی کے سربراہ جگموہن ڈالمیا سے ملاقات کی جس کے بعد مشترکہ نیوز کانفرنس میں تفصیلات سے آگاہ کیا۔ شہریار خان بی سی سی آئی کے سربراہ جگموہن ڈالمیا کا کہنا تھا کہ پاکستان اور بھارت کے درمیان سیریز کی بحالی پر کام کررہے ہیں دسمبر میں سیریز کا شدت سے انتظار ہے۔

پاک بھارت سیریز ہونے کا امکان روشن ہوگئے ہیں، شہریار خان کا دورہ بھارت کارآمد رہا، بھارتی کرکٹ بورڈ سربراہ نے دورے کو بھارتی حکومت کی کلیئرنس سے مشروط کردیا ہے۔

بھارتی بورڈ کے ذرائع کے مطابق پاکستان اپنی ہوم سیریز بھارت میں کھیلنے پر بھی تیار ہے، بھارتی حکومت کی کلیئرنس ملنے پر یہ سیریز پندرہ دسمبر سے پندرہ جنوری تک کھیلی جاسکتی ہے۔

ذرائع کا کہنا ہے کہ بھارت میں کھیلے جانے کی صورت میں آمدنی میں حصہ اور نشریاتی حقوق پر بات چیت ہوسکتی ہے،اگر سیریز بھارت میں ہوئی تو کلکتہ میں پہلا ٹیسٹ اور موہالی میں دوسرا ٹیسٹ ہوگا۔

تین ون ڈے نئی دہلی، بنگلور اور کلکتہ میں کھیلے جائیں گے، سیریز میں دو ٹی ٹونٹی میچز بھی کھیلے جائیں گے۔

Comments

comments

یہ بھی پڑھیں