اسلام آباد : عمران خان کی زیر صدارت پی ٹی آئی کور کمیٹی کا اجلاس ہوا جس میں سانحہ پشاور کی شدید الفاظ میں مذمت کی گئی۔
عمران خان کی زیر صدرارت پاکستان تحریک انصاف کور کمیٹی کا اجلاس ہوا،اجلاس میں سانحہ پشاور کے خلاف مذمتی قرارداد متفقہ طور پر منظور کی گئی اور سانحہ کے متاثرین سے اظہار ہمدردی کی گئی۔
اجلاس کے بعد میڈیا سے گفتگو کرتے ہوئے ترجمان تحریک انصاف شیریں مزاری کا کہنا تھا کہ کور کمیٹی طالبان سمیت تمام دہشتگردوں کی شدید مذمت کرتی ہے،شیریں مزاری کا کہنا تھا کہ جوڈیشل کمیشن جلدقائم ہونےکی توقع ہے، شیریں مزاری نے کہا کہ کورکمیٹی کے اجلاس میں آئی ڈی پیز اور دیگر مسائل پر بھی تبادلہ خیال کیا گیا۔
