ملتان: پاکستان تحریکِ انصاف کے نائب صدرشاہ محمود قریشی نے میڈیا سے بات چیت کرتے ہوئے کہا کہ جنوبی پنجاب کے ساتھ ماضی میں پیپلز پارٹی اورمسلم لیگ ن دھوکے کئے،ملتان کے جلسہ میں اہم اعلان ہوگا۔
دربار شاہ رکن عالم پرنمازِعید کے بعد پی ٹی آئی کے مرکزی رہنما شاہ محمود قریشی نے کہا کہ ملتان مین ہونے والا جلسہ جنوبی پنجاب کی نئی تاریخ رقم کرے گا۔
بلاول بھٹو کی عید کی صبح کی جانے والی تقریر پر تبصرہ کرتے ہوئے ان کا کہنا تھا کہ پی پی پی گھبراہٹ اور نفسیاتی دباؤ کا شکار ہے اور اس کی وجہ عمران خان کی پیدا کی ہوئی تبدیلی کی لہر ہے۔
- Advertisement -
ایک سوال کے جواب میں انھوں نے کہا کہ پیپلز پارٹی اب بھٹو کی نہیں زرداری کی جماعت ہے۔ ایک اورسوال کے جواب میں انھوں نے یہ بھی کہا کہ تحریکِ انصاف اورعوامی تحریک ملتان کے جلسے کے بعد آئندہ کے لائحہ عمل کے لئے مشاورت کریں گے۔
