اسلام آباد: عوامی تحریک کے سربراہ ڈاکٹر طاہرالقادری نے انقلابی مارچ کے دوران کنٹینر پر ہی کرکٹ کا میدان سجا لیا اورچھکا لگا کرہی دم لیا۔
ڈاکٹرطاہرالقادری نےانقلابی دھرنے کے دوران کنٹینر پرکرکٹ پچ بنا ڈالی، قادری کنٹینر سے باہر نکلے تو موڈ کچھ زیادہ ہی خوشگوار تھا، ڈاکٹر صاحب نے بیٹ پکڑا تو شرکاء میں سے ایک نے باؤلنگ کرائی۔
آخرکار ڈاکٹرطاہرالقادری نے خود ہی باؤلنگ اوربیٹنگ کا فیصلہ کیا، الٹے ہاتھ سے بال پکڑ کر اچھالی لیکن اندازہ غلط ثابت ہوا اور شارٹ نہ لگا سکے، ایک بار تو قادری صاحب ے چھکا لگانے کا پکا ارادہ کرلیا اور گیند کو ہوا میں پھینکا اورگھما کر چھکا مار دیا۔
ڈاکٹرطاہرالقادری نے خود ہی باؤلنگ، بیٹنگ اور فیلڈنگ کرکے ثابت کردیا کہ چاہے کچھ بھی ہو سیاست میں بھی سارے پتے اپنے پاس ہی رکھیں گے۔
0
20
