ہفتہ, جولائی 5, 2025
اشتہار

ڈسکہ پولیس گردی، گرفتار اہلکاروں کی انسدادِ دہشتگردی عدالت میں آج پیشی

اشتہار

حیرت انگیز

ڈسکہ: پولیس اور وکلاء میں تصادم کے واقعے میں ملوث ملزمان کو آج گوجرانولہ کی انسداد دہشت گردی عدالت میں پیش کیا جا رہا ہے۔

ڈسکہ میں وکلاء اور پولیس کے درمیان تصادم کے افسوسناک واقعے کے بعد ایس ایچ او اور چار اہلکاروں کو گرفتار کیا گیا تھا، گزشتہ روز ہونیوالے واقعے میں پولیس کی براہ راست فائرنگ سے ڈسکہ بار کے صدر سمیت دو وکلاء جاں بحق جبکہ کئی زخمی ہوئےتھے۔

واقعے کیخلاف وکلاء نے شدید ردِعمل کا اظہار کیا۔

مشتعل وکلاء نے ڈی ایس پی، ٹی ایم او کے دفاتر اور اسٹنٹ کمشنر کے گھر کو آگ لگا دی، وکلاء نے تھانے کا بھی گھیراؤ کیا، وکلاء کے شدید ردعمل پر وزیرِاعلی شہباز شریف کو سنگینی کا احساس ہوا تب انہوں نے پولیس، آئی ایس آئی اورآئی بی کے نمائندوں پر مشتمل مشترکہ تحقیقاتی ٹیم تشکیل دی۔

وزیرِاعلی نے پولیس سے تصادم میں دو وکلاء کی ہلاکت کو انتہائی افسوسناک قرار دیتے ہوئے کہا کہ جے آئی ٹی تحقیقات کر رہی ہے، ذمہ دار سزا سے نہیں بچ پائیں گے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں