ژوب: ایف سی نے ژوب سے اغواء کیے جانے والے پاکستان ٹیلی کمیونیکیشن کے پانچ ملازمین کو بازیاب کرالیا ہے۔
فرنٹیئر کانسٹیبلری نے خفیہ اطلاع ملنے پر پاک افغان سرحدی علاقے کانو کئی میں سرچ آپریشن کیا، ایف سی کے پہنچتے ہی دہشت گردوں نے فائرنگ شروع کر دی۔
فائرنگ کے تبادلے کے بعد ایف سی نے پی ٹی سی ایل کے اغوا کیے گئے پانچ ملازمین کو ژوب سے بازیاب کرا لیا تاہم دہشت گرد فرار ہونے میں کامیاب ہوگئے۔
- Advertisement -
ترجمان ایف سی کے مطابق دہشت گردوں کی تلاش تاحال جاری ہے۔
دہشت گردوں کے قبضے سے تین کلاشنکوف، ایک لا نچر، تین راکٹ لا نچر گو لے اور ہزاروں راونڈز گاڑی سمیت برآمد کر لیے گئے ہیں۔ ترجمان نے شرپسندوں کے خاتمے تک آپریشن جاری رکھنے کے عزم کا اعادہ کیا۔
