The news is by your side.

Advertisement

کامن ویلتھ گیمز کا آغاز کل سے گلاسگو میں ہورہا ہے

گلاسگو : کامن ویلتھ گیمز کا آغاز کل سے اسکاٹ لینڈ کے شہر گلاسگو میں ہورہا ہے، پاکستان آٹھ کھیلوں میں میڈلز کے لئے قسمت آزمائی کرے گا۔

کامن ویلتھ گیمز تئیس جولائی سے تین اگست تک گلاسگو میں جاری رہیں گے، پاکستان کا باسٹھ رکنی دستہ آٹھ کھیلوں میں حصہ لے گا، جن میں بیڈمنٹن، کشتی، نشانہ بازی، جمناسٹکس، باکسنگ، ویٹ لفٹنگ، ٹیبل ٹینس اور ایتھلیٹکس شامل ہیں۔

پہلی بار پاکستان کا قومی کھیل ہاکی کامن ویلتھ گیمز میں شامل نہیں ہے، پاکستان بارہویں مرتبہ دولت مشترکہ کھیلوں میں حصہ لے رہا ہے، اس سے قبل گیارہ ایونٹس میں پاکستان نے مجموعی طور پر چوبیس گولڈ میڈلز حاصل کیے ہیں، جن میں سے بیس طلائی تمغے کشتی میں ملے ہیں۔

پرتھ میں ہونے والے انیس سو چونسٹھ کے کامن ویلتھ گیمز میں پاکستان کی کارکردگی سب سے نمایاں رہی، ان مقابلوں میں قومی ایتھلیٹس نے آٹھ طلائی تمغے اپنے سینوں پر سجائے، دوہزار دس میں ہونے والے مقابلوں میں پاکستان نے دو گولڈ میڈل اپنے نام کئے، اس بار بھی پاکستان سے ریسلنگ میں میڈلز کی توقع کی جارہی ہے۔

Print Friendly, PDF & Email

Comments

comments

یہ بھی پڑھیں