کراچی:سپرہائی وے گنا منڈی کے قریب پولیس کارروائی،4 دہشتگرد ہلاک -
The news is by your side.

Advertisement

کراچی:سپرہائی وے گنا منڈی کے قریب پولیس کارروائی،4 دہشتگرد ہلاک

کراچی:  جرائم پیشہ افراد کے خلاف پولیس متحرک ہوگئی ہے، کراچی کے علاقے سپر ہائی وے گنا منڈی کے قریب پولیس مقابلےمیں چار دہشتگرد مارے گئے ہیں،  دوسری جانب صدر پاسپورٹ آفس کے قریب مقابلے میں کالعدم تنظیم کا کارندہ شاہد عرف ماما مارا گیا۔

کراچی میں پولیس کی جرائم پیشہ افراد کے خلا ف تابڑ توڑ کارروائیاں جاری ہیں، سپرہائی وے گنا منڈی کےقریب پولیس کے دہشتگردوں کے ٹھکانے پر چھاپےکے دوران فائرنگ کا تبادلہ ہوا، جس میں چار ملزمان مارے گئے۔

ایس ایس پی ملیر راؤ انوار کا کہنا ہے کہ ہلاک ملزمان کا تعلق کالعدم تنظیم سے تھا، جن کے قبضے سےبھاری مقدار میں اسلحہ بھی برآمد ہوا ہے جبکہ ایک ملزم گزشتہ دنوں سائٹ میں ہونے والے بچی سے زیادتی کے واقعے میں بھی ملوث تھا ۔

دوسری جانب صدر پاسپورٹ آفس کے قریب پولیس مقابلےکے دوران کالعدم تنظیم کا کارندہ شاہدعرف ماما ہلاک ہوگیا، اورنگی ٹاؤن پیر آباد میں پولیس مقابلے کے بعدایک ملزم کو زخمی حالت میں گرفتارکرلیا گیا ہے جبکہ بلدیہ گلشن مزدور میں نامعلوم افراد کی فائرنگ سے ایک شخص جاں بحق ہوگیا۔۔

Comments

comments

یہ بھی پڑھیں