The news is by your side.

Advertisement

کراچی: انسدادِ پولیومہم کا دوسرا دن

کراچی: انسدادِ پولیومہم کا آج دوسرا دن ہے، رضاکاروں کی حفاظت کیلئے سخت سیکیورٹی انتظامات کئے گئے ہیں۔

کراچی میں تین روزہ انسدادِ پولیو مہم جاری ہے، تین روز میں کراچی کے اٹھارہ ٹاؤنز کی انچاس یونین کونسلوں میں پولیو ویکسین کے قطرے پلائےجائیں گے۔

کراچی کو پولیو سے پاک کرنے کے لئے مہم شام پانچ بجے تک بغیر کسی وقفے سے جاری رہے گی۔ اورنگی ٹاون کی لیڈی ہیلتھ ورکرزنےتنخواہوں کی ادائیگی کی یقین دہانی کے بعد مہم کابائیکاٹ ختم کردیا ہے۔

ڈائریکٹر ہیلتھ کراچی ڈاکٹر ظفراعجاز کے مطابق چھ لاکھ پچاسی ہزار بچوں کو ویکسین دینے کا ہدف مقرر کیا گیا ہے، ٹیموں کو تمام ضروری سہولیات فراہم کی گئی ہیں۔

گزشتہ واقعات کے پیشِ نظر اس بار بھی انسدادِ پولیو رضاکاروں کے لئے سیکیورٹی کے سخت انتظامات کئے گئے ہیں۔

پاکستان کا شماردنیا کے ان تین ملکوں میں ہوتا ہے جہاں پولیو وائرس پر تاحال قابو نہیں پایا جا سکا ہے۔

Comments

comments

یہ بھی پڑھیں