کراچی: رم جھم برسات نے موسم خوشگوار کر دیا -
The news is by your side.

Advertisement

کراچی: رم جھم برسات نے موسم خوشگوار کر دیا

کراچی : سندھ میں مون سون بارشوں کے سسٹم کے داخل ہونے کے بعد کراچی میں ہلکی بارش سے موسم خوشگوارہوگیا، وقفے وقفے سے جاری بارش سے گرمی سے پریشان شہریوں کے چہرے نکھر آئے۔

کراچی کے مختلف علاقوں میں صبح سویرے ہونے والی ہلکی بارش سے موسم خوشگوار ہو گیا جن علاقوں میں بارش ریکارڈ کی گئی ان میں کورنگی، بلوچ کالونی، صدر، نارتھ کراچی، شاہراہ فیصل، ایئرپورٹ اور ڈیفنس ،فیڈرل بی ایریا، نیو کراچی ، اورنگی ٹاون ، لیاقت آباد صدر کے علاقے شامل ہیں۔

کراچی کے علاوہ حیدرآباد ، جام شورو،ٹنڈوالہ یار،ٹنڈوجام ،ٹنڈومحمد خان اور دیگر علاقوں میں رات سے وقفے وقفے سے بارش کا سلسلہ جاری ہے۔ بارش کے باعث گرمی کا زور ٹو ٹ گیاجب کی محکمہ موسمیات کا کہنا ہے کہ ملک بھر کی طرح سندھ میں بھی مون سون کی بارشیں ہونے کا امکان ہے

محکمہ موسمیات کا کہنا ہے کہ کراچی والے تیار رہیں کیونکہ بارش کا یہ سلسلہ دو سے تین روز تک جاری رہے گا اور اور یہ رم جھم عید کی خوشیوں میں شرکت کے بعد ہی واپسی کا راستہ لے گی۔

Comments

comments

یہ بھی پڑھیں