کراچی: نیوکراچی پاور ہاوس کے قریب فائرنگ سے پولیس اہلکار جاں بحق ہوگیا جبکہ لیاری میں رینجرز سے مقابلے میں گینگ وار کا ملزم مارا گیا۔
کراچی میں لیاری کے علاقے تغلق لین کے قریب رینجرز سے مقابلے گینگ وارکا ملزم مارا گیا۔ رینجرز حکام کے مطابق ملزم سات سے زائد افراد کے قتل میں ملوث تھا۔
کراچی کے علاقے نیو کراچی پاور ہاوس کے قریب نامعلوم افراد کی فائرنگ سے پولیس اہلکار وقار ہاشمی جان کی بازی ہار گیا، گزشتہ رات بھی شاہ فیصل کالونی میں فائرنگ سے زخمی ہونے والے پولیس افسر عامر رضا زخموں کی تاب نہ لاتے ہوئے دم توڑ گیا، ہجرت کالونی میں فائرنگ کے واقعے میں ایک شخص زخمی ہوا۔
دوسری جانب رینجرز نے ناظم آباد اور لیاری میں کارروائی کرتے ہوئے ٹارگٹ کلنگ اور بھتہ خوری میں ملوث سیاسی جماعت سے وابستہ پانچ ملزمان کو گرفتار کرلیا ہے۔
