The news is by your side.

Advertisement

کراچی: لانڈھی میں ڈکیتی کے دوران مزاحمت ، 2افراد زخمی

کراچی:لانڈھی ڈاکوؤں نے ایک گھر میں ڈکیتی کی کوشش کی، ڈاکوؤں کی فائرنگ سے 2 افراد زخمی ہوگئے جبکہ  شہریوں نے دو ڈاکوؤں کو پکڑ کر اتنا مارا کہ وہ ہلاک ہوگئے۔

کراچی کے علاقے لانڈھی نمبر چھ میں دو ڈاکو ڈکیتی کیلئے ایک گھر میں داخل ہوئے تو اہل خانہ نے شور مچادیا، جس پر ڈاکوؤں نے فائرنگ کر دی جس کے نتیجے میں دو بھائی علی اور سعید زخمی ہوگئے۔

شور اور فائرنگ کی آواز سن کر علاقہ مکین جمع ہوگئے اور دونوں ڈاکوؤں کو پکڑ کر تشدد کا نشانہ بنایا جس کے باعث دونوں ڈاکو شدید زخمی ہوگئے جنہیں اسپتال منتقل کیا گیا تاہم وہ دوران سفر دم توڑ گئے۔

پولیس کے مطابق ڈاکوؤں کی شناخت تاحال نہیں ہو پائی تاہم ان کے قبضے سے دو ٹی ٹی پستول برآمد ہوئے ہیں، واقعے کی تفتیش کی جارہی ہے۔

Print Friendly, PDF & Email

Comments

comments

یہ بھی پڑھیں