site
stats
سندھ

کراچی کے شہریوں کا پولیس پرعدم اعتماد، ڈاکوپکڑکررینجرزکے حوالے کئے

کراچی:شہرِقائد کے علاقےاورنگی ٹاؤن میں شہریوں نے ڈکیتی اوردیگروارداتوں میں ملوث افراد کو پکڑتو لیا لیکن پولیس کے حوالے کرنے پرراضی نہ تھے، صلاح مشورے کے بعد پکڑے گئے ڈاکووٗں کورینجرز کے حوالے کردیا گیا۔

کراچی میں ٹارگٹڈ آپریشن کے باوجود نامعلوم قاتلوں کی کاروائیاں جاری ہیں بن قاسم میں کلہاڑیوں کے وارکرکے ایک شخص کو موت کے گھاٹ اتاردیا گیا اتحاد ٹاؤن سے شیر بہادرنامی شخص کی تشدد زدہ لاش ملی ۔

شہر میں جاری ٹارگٹڈ کارروائیوں میں نیوکراچی سے تین ٹارگٹڈ کلرزدھرلئے گئے اورملزمان نے دوپولیس اہلکاروں سمیت گیارہ افراد کے قتل کا اعتراف کیا۔

جہاں ایک جانب یہ کاروائیاں جاری ہیں وہیں کراچی کے شہریوں کا پولیس پرسے اعتمادختم ہوتا جارہا ہے جس کی تازہ مثال کراچی کے علاقے اورنگی ٹاؤن میں پیش آئی جہاں علاقہ مکینوں نے اپنی مدد آپ کے تحت ڈکیتی میں ملوث گروہ کو گھیرے میں لےکرچارڈاکوؤں کو پکڑ لیا جبکہ ملزمان کے مزید چار ساتھی فائرنگ کرتے ہوئے جائے وقعہ سے فرارہوگئے۔

علاقہ مکینوں کے مطابق گزشتہ کئی دنوں سے علاقے میں ڈکیتیوں اور چھینا جھپٹی کی وارداتیں بڑھ گئی تھیں اورپولیس کا بارہا شکایات درج کرائیں گئیں لیکن کوئی معقول انتظام نہ کیا گیا اور انہیں خدشہ ہے کہ پولیس رشوت لے کر ملزمان کو چھوڑدے گی، اسی خدشے کے تحت ملزمان کو پولیس کے بجائے رینجرز کے حوالے کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top