واشنگٹن: نئی صدارتی امیدوار کملا ہیرس کو صدارتی نامزدگی کیلئے مطلوبہ حمایت مل گئی، انھوں نے کہا کہ صدارتی الیکشن لڑنے کے اعلان کےوقت ہی نامزدگی کا یقین تھا۔
تفصیلات کے مطابق امریکی صدارت کیلئے کملا ہیرس کو ڈیموکریٹ صدارتی نامزدگی کیلئے درکار حمایت حاصل ہوگئی۔
امریکی میڈیا نے بتایا کہ ڈیموکریٹ کنونشن میں مندوبین باقاعدہ حمایت کا اعلان کریں گے۔
ڈیمو کریٹ پارٹی کی نئی صدارتی امیدوار کملا ہیرس نے انتخابی مہم میں پہلے خطاب کیلئے سوئنگ اسٹیٹ وسکونسن کا انتخاب کیا۔ ملواکی سٹی میں ہزاروں افراد کے مجمع سے خطاب میں کملا ہیرس نے کہا ڈونلڈ ٹرمپ جیسوں کو اچھی طرح جانتی ہوں، ہرقسم کے مجرموں کا مقابلہ کر چکی ہوں، ٹرمپ امریکا کو پیچھے لے جانا چاہتے ہیں۔
انہیں صدارتی الیکشن لڑنے کے اعلان کے وقت ہی نامزدگی کا یقین تھا، ڈیموکریٹ پارٹی اور قوم کو متحد کرکے ٹرمپ کوہرائیں گے۔
ٹرمپ امریکی عوام سےبنیادی حقوق اور آزادی واپس لیناچاہتاہے، ہم روشن مستقبل پر یقین رکھتے ہیں، ہم لڑیں گے اور جیتیں گے۔
اس حوالے سے ں پاکستانی نژا د ڈیموکریٹ رہنما ڈاکٹر آصف ریاض قدیر نے اے آر وائی نیوز سے گفتگو میں کہا تھا کہ کاملا ہیرس کوپارٹی کی مکمل حمایت حاصل ہے، ٹرمپ کو باآسانی ہرادیں گی۔
دوسری جانب ریپبلکن رہنما علی شیخانی کہتے ہیں ٹرمپ کی مقبولیت آسمان پر پہنچ چکی ہے، ڈیموکریٹس بحران کاشکارہیں الیکشن ٹرمپ ہی جیتیں گے۔
