The news is by your side.

Advertisement

کوئٹہ : سرچ آپریشن، ایک غیرملکی سمیت 3دہشت گرد ہلاک، 39 گرفتار

کوئٹہ: حساس اداروں کے سرچ آپریشن میں ایک غیرملکی سمیت تین دہشت گرد مارے گئے، دیبہ اور ملحقہ علاقوں سے انتالیس مشتبہ افراد گرفتار کرلئے گئے۔

کوئٹہ میں مشرقی بائی پاس بھوسہ منڈی کے قریب ایف سی ،پولیس اور دیگر قانون نافذ کرنے والےاداروں نے مشترکہ آپریشن کیا، داخلی اور خارجی راستے بند کردیے گئے، جس پر محصور دہشت گردوں نے فرار ہونے کیلئے سیکیورٹی فورسز پر فائرنگ اور دستی بموں سے حملہ کردیا۔

سیکیورٹی فورسز کی جوابی کارروائی میں ایک غیر ملکی سمیت تین دہشت گرد ہلاک جبکہ دو سیکیورٹی اہلکار بھی زخمی ہوئے۔

سیکیورٹی فورسز کے مطابق ہلاک دہشت گردوں میں ایک حلیے سے ازبک باشندہ لگتا ہے، فورسز نے مقابلے کے بعد بھاری اسلحہ برآمد کرکے علاقے کو کلیئر قرار دیدیا۔

Print Friendly, PDF & Email

Comments

comments

یہ بھی پڑھیں