کراچی کے مختلف علاقوں میں پولیس نے چھاپہ مار کارروائیوں میں اسٹریٹ کرائم اور دیگر جرائم میں ملوث چوبیس ملزمان کو گرفتار کرکے ان کے قبضے سے اسلحہ برآمد کرلیا۔
کراچی میں جاری قتل و غارت گری اور پرتشدد واقعات کے بعد ایک بار پھر قانون نافذ کرنے والے اداروں نے کارروائیاں تیز کر دیں۔
بلدیہ ٹاؤن کے علاقے سعید آباد میں پولیس نے چھاپہ مار کاروائی کے بعد اسٹریٹ کرائم میں ملوث پانچ ملزمان کو گرفتار کرلیا، ملزمان کے قبضے سے اسلحہ برآمد کرلیا۔
دوسری جانب خفیہ اطلاع ملنے پر پولیس نے کیماڑی ٹاؤن کے مختلف علاقوں سلطان آباد، مشرف کالونی، ماڑی پور، شیرشاہ، مچھرکالونی میں چھاپے مارے۔
کارروائی کے دوران منشیات فروشی جوے اور اسٹریٹ کرائم میں ملوث چوبیس ملزمان کو گرفتار کرکے ان کے قبضے سے داؤ پر لگائی گئی رقم تین موٹر سائیکلیں اور منشیات برآمد کرلی، آپریشن کی سربراہی ایس پی کیماڑی نے خود کی تھی۔
