کیپ2014، انٹر سال اول میں داخلے میں امیدواروں کو مشکلات -
The news is by your side.

Advertisement

کیپ2014، انٹر سال اول میں داخلے میں امیدواروں کو مشکلات

کراچی : انٹر سال اول میں داخلے کے خواہشمند ہزاروں امیدواروں کو فارم جمع کرانے میں مشکلات کا سامنا کرنا پڑ رہا ہے۔

کیپ کے تحت کراچی کے کالجوں میں انٹر سال اول میں داخلے شروع ہوگئے تاہم ہزاروں امیدواروں کو فارم جمع کرانے میں سخت دشواریوں کا سامنا کرنا پڑ رہا ہے، رواں سال کیپ کے تحت داخلے کے لیے مینوئل فارم کی تقسیم ختم کر کے کمپیوٹرائزڈ فارم کا اجراء کیا جا رہا ہے مگر داخلہ فارم ڈاون لوڈ کرنے میں متعدد امیدواروں کو ناکامی کا سامنا کرنا پڑ رہا ہے۔

کیپ دو ہزار چودہ کیلئے کالجوں میں کاوٴنٹر تاحال قائم نہ ہوسکے، کمپیوٹرائزڈ فارم میں ڈاؤن لوڈنگ میں دشواریوں کے باعث ابتک صرف ایک ہزار سے زائد امیدوار داخلہ فارم جمع کرانے میں کامیاب ہوئے ہیں جبکہ فارم جمع کرانے کی آخری تاریخ اٹھارہ اگست ہے۔

واضح رہے کہ ایک لاکھ سے زائد امیدواروں نے میٹرک کے امتحان میں کامیابی حاصل کی ہے، داخلے کے خواہشمند امیدواروں نے شکایت کی ہے کہ داخلہ پالیسی ابہام کا شکار ہوچکی ہے، بیشتر امیدواروں کا کہنا ہے کہ داخلہ فارم خود ڈاون لوڈ کرنا ہوتا ہے جبکہ اکثر ویب سائٹ بند رہتی ہے۔

Comments

comments

یہ بھی پڑھیں