اسلام آباد: وفاقی وزیر برائے پانی و بجلی کا کہنا ہے کہ’کے-الیکٹرک‘کے ساتھ معاہدہ ختم ہوچکا ہے اوراب نئی شرائط پرمعاہدہ کیا جائے گا۔
وفاقی حکومت اور کراچی میں بجلی تقسیم کرنے کی ذمے دار کے الیکٹرک کے مابین پانچ سالہ معاہدہ اتوار کی رات 12 بجےختم ہوگیا ہے۔
اس سے قبل پانی و بجلی کے سیکرٹری یونس دھاگہ نے اتوار کے روزپریس کانفرنس کرتےہوئے کہاکہ ابھی تک یہ طے نہیں کیا گیا ہے کہ آیا کراچی کو وفاق سے بجلی کی سپلائی جاری رکھی جائے گی یا نہیں۔
پیپلز پارٹی کی حکومت نے 2009 میں ایک معاہدے کے تحت کے الیکٹرک کو نیشنل گرڈ سے 650میگاواٹ لینے کی اجازت دی تھی۔
وفاقی وزیر خواجہ آصف نے کے الیکٹرک کے ساتھ معاہدے پر تبصرہ کرتے ہوئے کہا کہ ’اب نئی ڈیل نئی شرائط کے ساتھ بنائی جائے گی۔‘
