site
stats
پاکستان

گجر نالے کے اطراف میں تجاوزات کے خلاف آپریشن آخری مراحل میں داخل

کراچی: ترجمان حکومت سندھ کے مطابق گجر نالےکے اطراف تجاوزات کے خلاف آپریشن آخری مراحل میں داخل ہوگیا ہے، ڈپٹی کمشنرسینٹرل فریدالدین کا کہنا ہے کہ شدید تنقید کے باوجود اپنی ذمے داریوں سے غفلت نہیں برت رہے ہیں۔

تفصیلات کے مطابق ترجمان حکومت سندھ کا کہنا ہے کہ مزید بارشوں کے خدشے کے پیش نظرگجرنالےکے اطراف تجاوزات کے خلاف آپریشن تیزی سے آخری مراحل میں داخل ہوگیا ہے، سندھ حکومت کا کہنا ہے کہ اس آپریشن میں اب تک آٹھ ہزار پانچ سو سےزائدمکانات مسمارکئے گئےہیں۔

ڈپٹی کمشنرسینٹرل فرید الدین کا کہنا ہے کہ شدید تنقید اور مخالفت کے باوجود اپنے فرائص سے کوتاہی نہیں برت رہے ہیں اور اپنی ذمے داریوں کو احسن طریقے سے ادا کرنے کی بھرپور کوشش کر رہے ہیں۔

انہوں نے کہا کہ گجرنالا پرقائم تجاوزات کے خاتمے کے ساتھ ساتھ نالوں کی صفائی کا کام بھی جاری ہے، جس کے بعد نالوں کے اطراف سروس روڈ تعمیر کیا جائے گا، تاکہ نالوں کی مستقل صفائی کا انتظام ہوسکے۔

یہاں پڑھیں:نکاسی آب میں رکاوٹ : گجرنالے پر قائم مکانات اورباڑے مسمار

انتظامیہ کا کہنا ہے کہ گجر نالے میں تجاوزات کے باعث بارشوں میں پانی کی نکاسی ایک بہت مسئلہ بن گیا ہے ، جس کے باعث شدید مشکلات کا سامنا کرنا پڑ رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top