کافی دنیا کے سب سے زیادہ پسند کیے جانے والے مشروب میں سے ایک ہے لیکن پاکستان جیسے ملک میں موسمِ گرما میں کافی پانی انتہائی دل گردے کا کام ہے لیکن اب کافی کے مداحوں کے لئے ایک خوشخبری ، کالڈ کافی نا صرف یہ کہ خوش ذائقہ ہوتی بلکہ اس کے طبی فوائد بھی ہوتے ہیں۔

ماہرین غذائیت کا کہنا ہے کہ گرم کی بجائے کولڈکافی پینے کے فوائد زیادہ ہیں۔ ان کا کہنا ہے کہ کولڈ کافی ذائقہ میں مزیدار ہوتی ہے اور گرم کافی کی نسبت یہ صحت پرمثبت اثرات رکھتی ہے۔بریو کافی دیگر طریقوں سے بنائی گئی کافی سے بہت بہتر ہے۔

اجزاء

ٹھنڈا دودھ 2 کپ
کافی 2 چائے کے چمچ
چینی 4 کھانے کے چمچ
پھینٹی ہوئی آئس کریم 4 اسکوپ
پانی آدھا کپ

ترکیب

آدھا کپ پانی میں 4 کھانے کے چمچمے چینی اور دو چائے کے چمچے کے برابر کافی ابال کر اچھی طرح پھینٹیں اورٹھنڈا ہونے کے لیے رکھ دیں۔ اب ۲ کپ ٹھنڈا دودھ اور 1/2 کپ پھینٹی ہوئی کریم کو بلینڈر میں ڈال کراچھی طرح بلینڈ کریں۔

آپ کی کولڈ کافی تیار ہے گلاس میں نکال کر آئس کریم کی ٹاپنگ کے ساتھ مہمانوں کے پیش کیجئے۔