ارشدپپوقتل کیس میں رکن اسمبلی شاہ جہان بلوچ سمیت چھ ملزمان پرفردجرم عائدجبکہ عزیربلوچ اوربابالاڈلہ سمیت سات ملزمان اشتہاری قرار دے دیئے گئے۔
ارشد پپوقتل کیس کی سماعت کراچی کی انسداددہشت گردی عدالت میں ہوئی، ملزم شاہ جہاں بلوچ کےوکیل عامرمنصور کی عدم حاضری پر عدالت نےاظہار برہمی کرتے ہوئے کہا دو مہینے سے چارج فریم تیار ہے، وکیل پیش نہیں ہورہے،لگتا ہے ملزمان کو جیل پسندآگئی ہے۔
عدالت نے وکیل کو فوری طلب کیا، عدالت نے مقدمے کی کارروائی آگے بڑھاتے ہوئے رکن قومی اسمبلی شاہ جہاں بلوچ سمیت چھ ملزمان پر فرد جرم عائد کردی، تاہم ملزمان نے صحت جرم سےانکار کردیا، جس پر عدالت نے گیارہ جنوری کوگواہوں کوطلب کرلیا، جبکہ عزیربلوچ اوربابالاڈلہ سمیت سات ملزمان اشتہاری قرار دے دیئے گئے۔
