اسلام آباد: پارلیمانی کمیٹی برائے انتخابی اصلاحات کی کمیٹی کا اجلاس وزیر خزانہ اسحاق ڈار کی صدارت میں ہوا۔
اجلاس میں وفاقی وزیرسائنس و ٹیکنالوجی زاہد حامد کی سربراہی میں قائم انتخابی اصلاحات کی ذیلی کمیٹی کی سفارشات اور الیکشن کمیشن کی جانب سے عام انتخابات میں جدید ٹیکنالوجی کے استعمال کی تجویز کا تفصیلی جائزہ لیا گیا، اسحاق ڈار نے ہدایت کی کہ الیکشن کمیشن اپنی تجاویز کو حتمی شکل دے تاکہ اسے پارلیمانی کمیٹی برائے انتخابی اصلاحات کی کمیٹی میں پیش کیا جاسکے،اجلاس کو بتایا گیا کہ الیکشن کمیشن نے ابھی تک سب کمیٹی کو اس حوالے سے مکمل اور جامع رپورٹ جمع نہیں کرائی۔
