تل ابیب: اسرائیلی وزیرِدفاع ’موشے یالون‘ نے اسرائیل کی بسوں میں فلسطینیوں کے سوارپرپابندی عائد کردی۔
اسرائیلی حکومت نے اپنی سیکیورٹی بہتر بنانے کے لئے ایک پائلٹ پروگرام شروع کیا ہے جس کے تحت سرزمینِ اسرائیل پرکام کرنے والے فلسطینبیوں کے لئے مزید مشکلات پیدا کردیں۔
پائلٹ پروگرام میں فلسطینیوں کو پابند کیا گیا ہے کہ فلسطینی مغربی کنارے کی جس چیک پوسٹ سے اسرائیل میں داخل ہوں گے اسی سے باہرنکلیں گے اس کے علاوہ کسی بھی چیک پوسٹ سے باہرنہیں نکل سکتے۔
اسرائیلی وزیردفاع کی درخواست پرحکومت نے فلسطینیوں پرپابندی عائد کردی ہے کہ وہ اسرائیلی بسوں میں سوار نہیں ہوسکتے۔
انسانی حقوق کی تنظیموں نےان پابندیوں کو بنیادی انسانی حقوق کی خلاف ورزی قراردے دیا اورکہا کہ اس پابندیوں سے اسرائیل میں کام کرنے والے فلسطینی شہریوں کے سفرکا دورانیہ بڑھ کردو گھنٹے ہوجائے گا۔
واضح رہے کہ اس سے قبل فلسطینی شہری مغربی کنارے کی کسی بھی چیک پوسٹ سے واپس جاسکتے تھے۔
امکان ظاہرکیا جارہا ہے کہ اس پائلٹ پروگرام سے فلسطینی اوراسرائیلی شہریوں کے درمیان تعصب کو ہوادے گا۔
