اسلام آباد ہائیکورٹ میں سی این جی کھولنے سے متعلق حکم امتناع ختم کر نے کی درخواستوں پر جسٹس شوکت عزیز صدیقی نے سی این جی مالکان کو نوٹسز جا ری کردیئے۔
اسلام آباد ہائیکورٹ میں سی این جی کھو لنے سے متعلق حکم امتناعی ختم کر نے کی درخواستوں کی سماعت جسٹس شوکت عزیز صدیقی نے کی، درخواستوں پر سی این جی مالکان کو نوٹسز جا ری کردیئے۔
جسٹس شوکت عزیز صدیقی نے ریمارکس دیئے کہ ایک سی این جی پمپ پر پانچ سے سات کروڑ روپے خرچ ہوتے ہیں، جب لائسنسز کا اجرا کیا جارہا تھا تو کیا اوگرا سورہا تھا؟ اس وقت سیاسی لوگوں کی سفارشوں پر لائسنس جاری کئے گئے اور اب کہہ رہے ہیں کہ سپلائی اور درآمد میں فرق آگیا ہے۔
شوکت عزیزنے استفسارکیاکہ کیا سوئی نادرن نے کسی ایک لائسنس کو چیلنج کیا ہے،عدالت کا کام حکومت اور عوام کے درمیان توازن قائم رکھنا ہوتا ہے، مقدمے کی آئندہ سماعت تین جنوری کو ہوگی۔
