کراچی : ترجمان سندھ رینجرز نے کہا ہے کہ کیف الوری اور قمر منصور کو اشتعال انگیز تقاریر میں معاونت پر گرفتار کیا گیا۔
ایم کیو ایم کے مرکز پر رینجرز کا چھاپہ اوررہنماوں کی گرفتاریوں پر ترجمان رینجرز کا بیان سامنے آگیا، ترجمان سندھ رینجرز کے جاری کردہ اعلامیہ میں کہا گیا کہ رینجرز سندھ اور کراچی میں امن بحال کرانے کے لئے کوشاں ہے، مگر نفرت انگیز تقاریر شہر کے امن کے لئے خطرہ بن سکتی ہے۔
ترجمان کا کہنا ہے کہ قمرمنصور اور کیف الوریٰ کی گرفتاری اشتعال انگیز تقاریر میں معاونت فراہم کرنے پرکی گئی ۔
ترجمان رینجرز کا کہنا ہے کہ اشتعال انگیز تقریر کروانے والے سہولت کاروں کی فہرست مرتب کرلی گئی ہے جن کی گرفتاریاں جلد عمل میں لائی جائیں گی۔
